[المقدمة: مروان موسى ودُنيا وائل]
إتفضل، أنا مبسوطة إني أخيرًا شُفتك هنا
ماشي، هدّي النور عشان هقول كلام من القلب
إحكيلي كده حاسس إيه
ماشي (حاول تِفتكر)

[المقطع الأول]
من السواد، من السواد
طالع من الضلمة، صاحبي فات فات الميعاد
كل إللي فات كان زيادات، محفزات
بس المرة دي ليا حق، ليا كمبيالات
للي حاله إتشقلب بدري
من حيث لا تدري
أنا إللي كنت بجري
من الحفلة للبيت ع الستوديو وأروح مغني
وأحسس نفسي إن الدنيا بمبي
لو كان حد بس يسألني

[اللازمة]
عامل إيه؟
شايف إيه؟
متضايق ليه؟
آه، طب رايح على فين؟
بتدور على إيه؟
طب ناوي تعمل إيه؟
ليه؟
[المقطع الثاني]
في هنا طاقة بتحركني من جوة
بتقربني للقوة
بتعرفني مين فيه الأخوة
ومين إللي مش هو
عملت إللي عليا الباقي مش في إيديا
فطرت أمل، إتعشيت ليالي وحدانية
سامع صوت أمي وأنا لوحدي وسط العتمة دية
زمن الشهرة، الشركات دي قاعدة بتنهش فيا
آه، بس أنا مركز ومش عايز أتفتش
مش عايز أتكلم عن الشغل أكتر من كده
دماغي مكركبة
همومي هوا عالي فوق موج ومركبة
أفكاري مهببة
عايزينك تسندهم وإنتَ عايز إللي يسندك
فيش مشكلة
هيجيلنا النصيب في الميعاد الصح
مش عايز أعمل أغاني إني جامد طحن
نفسي أبقى معاكي وسط سُكات البحر
وأكيد هتسأليني

[اللازمة]
عامل إيه؟
شايف إيه؟
متضايق ليه؟
آه، طب رايح على فين؟
بتدور على إيه؟
طب ناوي تعمل إيه؟
ليه؟
[المقطع الثالث]
آه، إتصرفت بسرعة وما فكرتش
لما إحتاجتني ما إتأخرتش
سنتين من غير شمس
صوتي الإيجابي كان مجرد همس
قعّد الأمل، قوله ما يسخنش
ليه قاعد تعمل فحص في ماضيك؟
من إمتى وبتهتم بالتاريخ؟
مش عارف مالي، إيه إللي بيحصل؟
مش عارف حتى أحب بقيت بحذر
قدام مرايتي بسأل

[اللازمة]
عامل إيه؟
متعايش مع الواقع، مش موهوم
شايف إيه؟
مش شايف فيها حاجة غير هموم
متضايق ليه؟
مش متضايق، إتعودت دي الظروف
يمكن ده الإحساس المطلوب
طب رايح على فين؟
‫حتة Location مش جايبها
بتدور على إيه؟
حاجة أصعب من إني أوصفها
طب ناوي تعمل إيه؟
مش مخطط بس هبقى أشوف في ثانيتها
ليه؟
مش عارف
[الخاتمة: مروان موسى ودُنيا وائل]
بص يا مروان
في حاجة إسمها الخمس مراحل للحزن
أول مرحلة هي مرحلة الإنكار
(حاول تِفتكر)