[المقدمة]
آه، ضربة جزاء
أربع إنتصارات، إتناشر من إتناشر
ليس هذا فقط ولكن سجل التعادلات خيالي
سجل الخسارة خالي
مروان، مروان، يا ولد يا مروان
لو مش مارو يبقى خارج نطاق الخدمة

{المقطع الاول}
قربت منها سيكا، قُلت جملة شيك
(إمسكي) زعلت مني، جبت تلات تفاحات من بورسعيد
قلبي ميت، مرحوم إدفنوه
في جنينة الحيمومات حطيت أفيون للأسود
فـ مش هقول أمنياتي للجني
خلاص ده وعد مني
نفسي بس في ساعة سويسري
مصنوعة من معدن هندي
مفصول في أوضة الإنتظار وإللي جنبي بترغي
(مين؟) بسمع الهضبة وهي بتسمع بوتشيلي
(مشيت) فـ خدت حماري ومشيت
وخدت كليوباترا بار ورا البيت
"بتقولي "أنا عايزة إنفصال مش كوكتيل
طب عليّا الطلاق إتخضيت
كهربت الجو بنظرة ڤولتات (بزز)، عينيّا شاحن
برنس في المزيكا منذ ألف وتسعمية وواحد
إيه يا ساحر؟
ريحة الأرنب في البورنيطة فاحت
دماغي جابت وش سليندر فـ الشخصية ساحت
إنسى غيرك
الكذب خيبة
والطول حتى لو بتشب هيبة
قُلتلها دوبي في الهوا، ماليش في الكتمة
طب ليه تقارنيهم بالمستر؟ مافيش معادلة
هاتهم بالحب لو ماجوش بالضرب
كنا هنتصالح بس ما وافقوش ع الشرط
إديتلك أصفر رغم إن المفروض كان طرد
إنتو حرين، إدوا بعض بالجزمة ومبروك ع الأرض
[اللازمة]
مافيش داعي
أحكي عن كل إللي شاغل البال
ماليش، مش مطلوب أكون حقاني
عشان كل ما أقول الحق بيتحداني
وآديني آهو بعلّم نفسي الكذب تاني

[المقطع الثاني]
إبتديت أتبسط، رجعوني من الأجازة
في المكتب بزهق فـ بتفرج على روبي في الخباسة
سخنت، قلعت تشيرتي فـ رموني في التلاجة
غرقت بالغلط وأنا بشرب ليمون من الإزازة
(أيوة) البنت بارزة برة الدايرة زي ‫Opel
(ووه) أُعجبت بيكي وبعد الفحص شايفك ‫Model
(ووه) بنجز في شغلي، أسرع من آريين روبن
وحتى الآن لم أحصل على جايزة نوبل
(تعالي) جت بالصدفة، شُفت وردة أقطفها
"أظرفها ‫Like وأكتبلها "بجد لُقطة
‫بالنسبة لي الـ Crush ستافدت كراست أو شوت ويسكي
"كانت طالبة مني شوكولاتة، قُلتلها "إتوكسي
"المخرج قالي "إيه إللي إنتَ لابسه ده إللي مش من سنك؟
فـ حلقت شلبي مع مدحت، بالصدفة شُفت منّة
يا نهار أبيض، وقف بينّا، طب خُش سِنّة
(نيو) خليته يسيبنا، ركبنا الڤيرنا وللصبح سهرنا
(مواه) بُست الأميرة، طولت لساني
بقيت ضفدع، مش هستخدم ‫Tinder تاني
يا ريتك كنت إخترت كرامتك
ما قدرش يمسك نفسه، كَل الطَرْب في المطبخ
بَدِّلْ بدلة ببطة، عشان سيء في إدارة الصفقة
تعمل نفسك ‫Fighter؟ سايبك في الحرب بتتشقلط
مهمًا تدي نظرة شر في بطاقتك
عمرك يا أسطى ما إتخطيت مرحلة المراهقة
[اللازمة]
مافيش داعي
أحكي عن كل إللي شاغل البال
ماليش، مش مطلوب أكون حقاني
عشان كل ما أقول الحق بيتحداني
وآديني آهو بعلّم نفسي الكذب تاني

[فاصل]
متدربين عليها، متدربين عليها
خطة لعب مش بالصدفة، خطة لعب
كان لاعب رمية التماس على مروان
مروان يتزحلق للخلف
ينطلق بقى أي لاعب من الخلف للأمام

[المقطع الثالث]
‫Logo باتمان
على توكة الحزام
حبيبي سرحان
في صورتك من زمان
إمضيلي، أنا فان
وهاتيلي تعبان
وإقليلي بتنجان
(إيه كمان؟)
وإقريلي الفنجان
في تركمانستان
(تمام)
بوقين على سيراميك
طب لوكيني لما بأسبيك
‫طب Lookـيني لما بـ Speak
يا إبني كفاية رغي، صدعت والناس إتهرت
وش في وش وضهر، دي كتابة ملك
"المشرف قالي "ترفع إيدك هآكلك بسناني
فـ رفعت صباع ديناميت، نط من الدور التاني
ولعت فيهم بالأغاني، جبهة نار
أيوة مارو نُص ألماني وده إستعمار
ما زالت محاولات الخصم منخفضة
(يالهوي) مش بنختلط، هجهضك زي بنت مرتبطة
إنتَ صفر بكرهك
بالقسط أوضبك
دايرة إصحابك، هحطك في الوسط وأنتقدك
جريمة قتل والأداة مش طلقة، ده سيخ
شكلي كدة هطلب بقى، مش طالبة طبيخ
بُص ماك أنا معاك أو ‫Take away من تِكّا
رابر لسه طري زي البيتزا وهي بتسخن
إنش جه
إنشراح
مش مطلوب أي إقتراح
"أحب أقدم لكم مشروع "إللي جاية جراح
آخذت قطمة فينو
وحطيت نضارتي ع الكومودينو
والڤيرس خلص، مفعول الحباية راح
[اللازمة]
مافيش داعي
أحكي عن كل إللي شاغل البال
ماليش، مش مطلوب أكون حقاني
عشان كل ما أقول الحق بيتحداني
وآديني آهو بعلّم نفسي الكذب

[الخاتمة]
آه، مارو
٢٠١٧
حد فاكر الحوار ده؟ حد فاكر الموضوع؟
يعني كان من عشر سنين مثلًا في أي تراك راب كان، كنت
كنت بتسيب البيت يجري كده في الآخر وإنتَ بتنَسّي بقى
..بتقعد.. بتتكلم، تقعد تمسي بقى على الـ.. على أي حد أو بتـ
إمم، إنتَ وقفت ولا إيه؟
تمام لأ أنا فاكرك، أنا.. ده إنتَ شايفني بتكلم
خلاص قشطة، يا عم عادي عادي بيس، عادي ولا يهمك