[اللازمة]
هتقول لربنا إيه لما تقف يوم بين إيديه؟
فكر شوية في السؤال ده قبل ما تجاوب عليه
هتقول لربنا إيه لما تقف يوم بين إيديه؟
فكر شوية في السؤال ده قبل ما تجاوب عليه

[المقطع الأول]
هتقول خُنتها علشان كانت على نياتها
هتقول ما فيهاش حاجة إن أنا دمرت حياتها
هتقوله يا رب أصلها تستاهل نهايتها
علشان حبيتني وثقت فيا وهعمل إيه
هتقول من كتر ما ضحيتلي مليت منها
وعملت أنا كده علشان ما أبعدش في يوم عنها
هتقوله بسيطة وما حسيتش إني بخونها
موضوع مش مستاهل أصلاً أتكلم فيه

[اللازمة]
هتقول لربنا إيه لما تقف يوم بين إيديه؟
فكر شوية في السؤال ده قبل ما تجاوب عليه

[المقطع الثاني]
هتقول كانت بتغير وبحبها خانقاني
وبغير جو عشان لما أرجعلها تاني
يتجدد شوقي وأحس إنها كده واحشاني
كل اللي عملته عملته عشانا إحنا اللي الإتنين
هتقول إنك ما إنتاش ندمان ومعاك عذرك
وهتقدر يومها تدافع عن وجهة نظرك
صدقني يوميها مفيش غيرك هيشيل وزرك
وريني ساعتها إنت هتعرف تكدب على مين