[المقطع الأول]
أنا عاشقة وما بقولهاش
بخاف من قلبك القاسي
وأخاف يخدعني إحساسي
وأنا مش حمل جرح جديدة
وأشوف صورتك في عين الناس
يعيش قلبي مع الحيرة
وأموت يا حبيبي من الغيرة
أقرب ولا أروح لبعيد

[اللازمة]
وبتعدي السنين
وأنا بين البينين
لا أنا قريبة ولا بعيدة
ولا نهاري باينله عينين
وبتعدي السنين
وأنا بين البينين
لا أنا قريبة ولا بعيدة
ولا نهاري باينله عينين

[المقطع الثاني]
ياريت عندي لقلبي بديل
ومش علشان ينسيني
لكن علشان يقويني
في لحظة ضعفي ما يسبنيش
أنا الفرحة اللي ما بعيشهاش
ما بلمسهاش في أيامي
بشوفها يادوب في أحلامي
بموت والإسم إني بعيش
[اللازمة]
وبتعدي السنين
وأنا بين البينين
لا أنا قريبة ولا بعيدة
ولا نهاري باينله عينين
وبتعدي السنين
وأنا بين البينين
لا أنا قريبة ولا بعيدة
ولا نهاري باينله عينين

[المقطع الثالث]
وأقول أنساك عشان أرتاح
وعمال قلبي بيدافع
وحتى الصبر مش نافع
أنا مش عارفة أعمل إيه
ويوم عن يوم جراحي تزيد
ويكبر شوقي جوايا
ما ترحمني بقى كفاية
تعبت خلاص من اللي أنا فيه

[اللازمة]
وبتعدي السنين
وأنا بين البينين
لا أنا قريبة ولا بعيدة
ولا نهاري باينله عينين
وبتعدي السنين
وأنا بين البينين
لا أنا قريبة ولا بعيدة
ولا نهاري باينله عينين
وبتعدي السنين
وأنا بين البينين
لا أنا قريبة ولا بعيدة
ولا نهاري باينله عينين