[المقطع الأول]
أنا قلت أقولك أخباري مع إنك أصلاً ما سألتش
أنا من يوم بعدك محبوسة في نفس الأوضة
مسجونة في عالم أفكاري
مش عايشة لكن برضه ما موتش
تقدر كده يعني تقول إن أنا مش موجودة

[اللازمة]
سيبك إنت
أهم حاجة تكون مبسوط ومزاجك عال
وتكون بتنام مرتاح البال
لا ضمير بيأنب ولا كوابيس تقلق نومك
ومافيش مشكلة خالص لو حد بسببك ضاع
وفي ثانية تبيع وتقوله وداع
دي حاجات مش مستاهلة عشانها تبوظ يومك

[المقطع الثاني]
بقى ليلي بيشبه لنهاري والشمس بتشرق وبتغرب
والدنيا بتمشي وتتغير وأنا على حالي
إحساس الوحدة الإجباري بقى هو الإيد اللي تطبطب
بقى ونسي وصاحبي وهو الحاجة الباقيالي

[اللازمة]
سيبك إنت
أهم حاجة تكون مبسوط ومزاجك عال
وتكون بتنام مرتاح البال
لا ضمير بيأنب ولا كوابيس تقلق نومك
ومافيش مشكلة خالص لو حد بسببك ضاع
وفي ثانية تبيع وتقوله وداع
دي حاجات مش مستاهلة عشانها تبوظ يومك
أهم حاجة تكون مبسوط ومزاجك عال
وتكون بتنام مرتاح البال
لا ضمير بيأنب ولا كوابيس تقلق نومك
ومافيش مشكلة خالص لو حد بسببك ضاع
وفي ثانية تبيع وتقوله وداع
دي حاجات مش مستاهلة عشانها تبوظ يومك
سيبك إنت