[المقدمة]
(حصريًا على موقع مهرجانات دوت كوم)
فارقني أبويا وسابلي كوم لحم في رقبتي
من يومها أنا إتيتمت وما عشتش طفولتي
بيقولوا أشهر شاب في مصر
ومحقق أحلام العصر
عامل ملايين وصاحب قصر
ولعانة معاه
(كيمو الديب)

[اللازمة]
الدنيا قاسية، إتشقلبت بيا في ثواني
فتحت عيني لقيتني فجأة في دنيا ثاني
وحشتني نفسي وأهلي وإخواتي ومكاني
هوِّن يا رب، الغربة صعبة مموتاني
هوِّن يا رب، الغربة صعبة مموتاني

[المقطع الأول]
ربنا علشان عالم بيا
مش هيشمتكم يوم فيا
قادر يا كريم تسمع ليا
وتنجيني
أنا عارف إنك مش هتسيبني
وبلاك معناه إن إنت حاببني
ده أنا طوب الأرض بيحاربني
طالع عيني
[اللازمة]
آه من الحياة، بقى كل ده كان مستخبي
أنا مش بخير والصدمة هتوقفلي قلبي
غرقان في بحر دموع، ما فيش ولا حد جنبي
ما بقاش خلاص بإيديا غير إني أدعي ربي

[المقطع الثاني]
مش عارف أنام من تفكيري
ولا حتى بقرب لسريري
مظلوم ولا عارف إيه مصيري
نفسي نسيتها
مصدوم من كتر اللي حصلي
واللي أنا بسمعه وبيوصلي
حد يفهمني يفسرلي
إيه آخرتها

[اللازمة]
العجل لما يقع بتكتر سكاكينه
وكإنهم كانوا بالسلاح مستنينه
الغدارين متحولين لكلاب مالينو
سانين سنانهم ليل نهار ومقطعينه

[المقطع الثالث]
كله بينهش، مين بيسمي
عايزين ياكلوني وأنا متغمي
شايفني وأنا بنزف دمي
مش راحمني
بالحياة لو طالوا يدفنوني
من بكرة في تربة هيرموني
ويجيبوا صوان ويعزوني
الله يعيني
[اللازمة]
فارقني أبويا وسابلي كوم لحم في رقبتي
من يومها أنا إتيتمت وما عشتش طفولتي
واخديني بالظاهر ومش عارفين حقيقتي
بسبب عينيكو على النجاح بدفع ضريبتي

[المقطع الرابع]
أنا قصة الناس بتألفها
دايرة بتتكلم على كيفها
هي الكواليس مين بيشوفها
آه يا حول الله
بيقولوا أشهر شاب في مصر
ومحقق أحلام العصر
عامل ملايين وصاحب قصر
ولعانة معاه

[اللازمة]
معايا كام، معايا رب إسمه الوكيل
فوضت أمري إليه وبحالي صبح كفيل
اللي معاه ربه ما شفش المستحيل
قادر يزيح الهم والحمل التقيل