[المقدمة]
(حصريًا على موقع مهرجانات دوت كوم)
مش لاقي حد في حضني غير مخدتي
مش لاقي غير إيدي بتمسح دمعتي
ألف شكر على الآسية
يا اللي بكيتم عينيا
حبكم كان تمثيلية
وإنتو صراحة ممثلين
(كيمو الديب)

[اللازمة]
أنا أبدو ليكم إني من برة بخير
ولكن قلبي جوة منه أحزان كتير
أنا كل يوم بحسه إنه يومي الأخير
بحس إني مش هقوم من ع السرير

[المقطع الأول]
كل ليلة بستنى موتي
كل يوم بتزيد ضغوطي
تهت من الفكر بسكوتي
بس جوة في كلام
والكلام بحكيه معايا
بتكلم قدام مراية
وأقول لنفسي حرام كفاية
إكتفيت حزن وآلام
[اللازمة]
لو الدموع تريح كنت هبكي دم
لو الشرب ينسي كنت شربت سم
كل حبايبي حاطين جوة قلبي سهم
بقول هموت قالولي موت عادي مش مهم

[المقطع الثاني]
ألف شكر على الآسية
يا اللي بكيتم عينيا
حبكم كان تمثيلية
وإنتو صراحة ممثلين
مثلتوا الحب بغرام
بس كله طلع كلام
إنتو وحشين مش تمام
حضنكم فيه سكاكين

[اللازمة]
مش لاقي حد في حضني غير مخدتي
مش لاقي غير إيدي بتمسح دمعتي
بس شايف كتير بيكرهوا ضحكتي
يكفيني شر اللي نفسه في كسرتي

[المقطع الثالث]
كل يوم ما فيش جديد
جوة حزني عايش وحيد
في الفرح تلميذ بليد
بس أستاذ في الوجع
عمري ينقص كل ثانية
طيب بس في دنيا خاينة
هو ما فيش غيري يا دنيا
ولا إنتي بتيجي ع الجدع
[اللازمة]
أنا من اللي شفته بقيت بجد حد تاني
الغربة واجعة قلبي بجد مزعلاني
كل حاجة سبتها ليه بقت وحشاني؟
أنا غصب عني مش عارف أرجع مكاني

[المقطع الرابع]
طب ليه ما بيرنش تليفوني؟
فين حبايبي؟ دول نسيوني
اللي شلتهم رموني
أما شافوني بقع وبضيع
إفتكروا حاجة حلوة ليا
أحسن ما تشمتوا فيا
بس بكرة الأيام جاية
هرجع وأحاسب الجميع

[اللازمة]
أنا حد إتجرح ما حدش حس بيه
أنا اللي ناس كتير أوي جايين عليه
قلبي إتكسر من كتر الحزن اللي أنا فيه
ماشي في طريق عذاب مش عارف آخره إيه

[المقطع الخامس]
صليت دعيت على اللي خاني
والدعوة جت في أقرب ناس مني
مش قصدي، ما أعرفش إني
بتخان من القريبين
شدي يلا يا شدة شدي
عرفيني مين اللي ضدي
مين بيزعل على قلبي
ومين في حزني مبسوطين
[الخاتمة]
(حصريًا على موقع مهرجانات دوت كوم)