[المقدمة: إسلام كابونجا]
أيوة، كلها بتدور ع الصيت
مع إن الصيت حويط
وآخرتها هتلبس في حيط
بقولك إيه يا فيجو يا دخلاوي
فوق الأشبال الصغيرين عشان كلها طالعة
نفسها تتحط في حديد
أفيجو يا دخلاوي
أشرف جلال بيقولك إبعتهاله في وشه، ها
فيجو الدخلاوي

[إسلام كابونجا]
ثبات، سكوت، كله إنقلاب
فتحنا باب الإنتداب
فضلنا طرقة، إفتحلي باب
كلها تجهز للدمار
طفوا النور وهاتوا إسعاف
الضرب هنا بإنحراف
إللي يغفل ياخد كشاف
كل إللي جاي ما فيش هزار

[ميسو ميسرة]
أنا مش بقول أنا وأنا
كلها عارفة مين أنا
شايف كلها متمسجنة
بس القلوب ضعيفة خالص
إللي نفسه يرفعلي إيده
هشد جراري في وريده
كل ساعة أخصامي بيزيدوا
بضرب بفن وحرفنة
[إسلام كابونجا]
مالوش في شغل قلنا وقال
الفارس هو أشرف جلال
متصنف من الناس الحمل
أشرف جلال أخطر مقاتل
في الجدعنة سيرته بتسبقه
وإللي بيطلبه بيقطعه
أشرف جلال إوعى تحوله
في عراكه قاسي مخه سافل

[ميسو ميسرة]
مع الجدع أنا جدع
مع المسجون أنا خطر
هتجس وشك يتقطع
بضرب نافذ، ما فيش إنذار
‫‫نلعبوا ماتش Hardcore
‫‫الـ Score يعلى من الخبط
إترصولي هنا طابور
في وشوشكم أنا هشد خط

[إسلام كابونجا]
نفسنجي في الجوالات بأدي
إخلع يا هتية، إنت مش قدي
إزاي تعمل ندك بندي؟
الفرق بينا أسد وخروف
ما تطيرش يا إبن الوحشة فكك
ما تخليش النسوان تزقك
هطسك، أنا مش هخمك
لما أخرب عمري ما بشوف
[ميسو ميسرة]
سيرتي لما تسمعها تزاولك
عشان تملي كاسر نفسك
هخليك كده تموت بغلك
يا أصفراوي إنت بتاعي
لما ضربتك أنا صيتك
ورحت قلت إن أنا خصمك
لو شفتك تاني مش هحلك
هدخلك جحر الأفاعي

[إسلام كابونجا]
خلاص ما فيش أصول دي بح
والحب ده في زماننا شح
سفيت هموم بقيت بكح
من إللي شفته أنا في الغربة
الغربة علمتني أكون
وأقرا البشرية من العيون
عمرك ما على حد تهون
وزي ما قالوا الغربة كربة

[ميسو ميسرة]
شفت الناقص عامل جدع
وإللي عمل زميل خلع
من كل الناس عمال أتخدع
ما بقتش أثق خلاص في حد
شقيت في الدنيا وعافرت
كلتها بالحلال وتعبت
لحد ما على رجلي وقفت
وبقيت أنا سندال بجد
[إسلام كابونجا]
صاحبك بختك، أصله لأصلك
هو إللي تملي واقف جنبك
ما لقيتش يا إبن قلبي زيك
وإللي في جيبك هو إللي في جيبي
من نظرة عيني بيحس بيا
هو بس إنت إللي ليا
ما فيش غيرك يزعل عليا
صاحبي الجدع بختي ونصيبي
صاحبي الجدع بختي ونصيبي

[ميسو ميسرة]
هما إللي كانوا في الدنيا سندي
وغابوا عني ووجعوا قلبي
كان نفسي ياما تكوني جنبي
وأبويا أيوة كسرلي ضهري
بس أنا عمري في يوم ما أنساكو
هفضل أدعي لربي رحيم
وإنتو أكيد في حتة أحسن
وأنا من غيركو عيش وحيد

[إسلام كابونجا]
كل يوم هاجي وهزاولك
كل ما أشوفك مش هحلك
إفهمي بقى، أنا بحبك
ونفسي تبقي نصي التاني
يقبرني هالعيون العسلي
ما تردي عليا يا بت قلبي
مش قادر أوصف ليكي حبي
يا خلق يا هوو مجنناني
أشرف جلال من المنحرفين
ما ياكلش معاه شغل المساجين
أشرف جلال هو الوزير
أخطر مقاتل في المجرة
أرض العوايد أرض النار
أصغر واحد فيها سندال
خورشيد جيهة جابت أبطال
محور المحمودية چناتلا

[ميسو ميسرة]
أبو تقى عالم من الأعلام
واقف معاه أي كلام
أبو تقى معروف بالرجولة
ما فيش تراجع وإستسلام
خورشيد دي فيها مقاتلين
ممنوع تعدوا بسكاكين
في الجيهة كلنا راجل واحد
ما بنعتمدش بني آدمين
ميسو ميسرة يعني الدباح
إسلام كابونجا ده الدبابة
فيجو الدخلاوي شبح الأشباح
وبقلظ وحش في الكتابة
أحلى إدارة وليد لمبادا
دولسيكا ده بتاع الغلابة
وأحلى مسا ع القناص
إحنا عصابة ومافيا يا بابا