[المقدمة]
(نامت في يوم ما عرفتش تقوم)
(سنة ورا سنة)
(من ساعتها في حلم، بتجري ورا شيء مش مضمون)

[المقطع الأول]
سنة ورا سنة
بتطفي الشمعة
وكل الناس إللي بتحبها حواليها
سنة تزق سنة
وتخبي دموعها
واقفه لوحدها و كل الناس بتغنيلها
مش شايفة قدامها ولا سامعة
شريط حياتها بيعدي قصاد عينيها
فاكره لما كانت طفلة وبتلعب وبتضحك
فجأة واقفة بروب والشهادة في إيديها

[اللازمة]
نامت في يوم صحيت لاقت كون
متغير وسابقها ورامي عليها هموم
نامت في يوم ما عرفتش تقوم
من ساعتها في حلم، بتجري ورا شيء مش مضمون

[المقطع الثاني]
سنة ورا سنة
الدايرة بتصغر
راحوا الناس المفروض طول العمر جنبيها
سنة تزق سنة
والعمر بيقصر
ما عادتش قادرة تلاقي لحالها تسهيلة
كل خطوة تقيلة دي الحقيقة
مش زي ما كانت بتسرح بالعجلة في مارينا
لما كانت طفلة وبتلعب وبتضحك
في وش الوقعة عشان كان في إللي دايمًا يسندها
[اللازمة]
(نامت في يوم صحيت لاقت كون)
(متغير وسابقها ورامي عليها هموم)
نامت في يوم ما عرفتش تفوق
من ساعتها في حلم، بتجري ورا شيء مش مضمون

[المقطع الثالث]
سنة ورا سنة
مين كان يصدق؟
مش لاقية غيري أنا، بس كان نص عمري الثمن
دفعته وأنا بضحك
فيش حاجة بتيجي سهلة
فيش حاجة ماشية زي القطر، فيش حاجة هتوقفها
هتدوس ودموعها سايلة
هتدوس وهي دايخة
هتدوس على كل حد وقت اللعبة مشي وسابها
لوحدها بس سايقة
زي ما أنا عايزة
ما بقيتش خايفة خايفة
ما بقيتش خايفة

[الخاتمة]
(نامت في يوم ما عرفتش تقوم)
(سنة ورا سنة، سنة ورا سنة)
(من ساعتها في حلم، بتجري ورا شيء مش مضمون)