‫[كلمات أغنية حمزة نمرة "ضلّمت كده ليه"]

[المقطع الأول]
من الصبح غرقان في مشاكل
ومن البداية اليوم قافل
أستنى في الباشا يعدي
داخلي عكس ومش سأل
قلبي ليه مش مطّمن؟
باينه يوم هندم عليه

[اللازمة]
هي ضلّمت كده ليه؟
اللي ودّاني يجيبني
يومي راح في الزحمة يا بيه
البلد بتعذبني

[المقطع الثاني]
أنا كنت ناوي أخش يمين
قالولي خش شمال أحسن
أنا قولت دول طبعاً فاهمين
بصيت لقيت نفسي في مدفن
ده اللي يسأل في بلدنا
ربنا يعوض عليه

[اللازمة]
هي ضلّمت كده ليه؟
اللي ودّاني يجيبني
يومي راح في الزحمة يا بيه
البلد بتعذبني
[المقطع الثالث]
بالعافية عديت الأتوبيس
بضرب بعيني لقيت زفّة
وما دام يا سيدي اليوم ده خميس
خد لك معاهم ١٠٠ لفّة
هيصة ولا حدّش داري
بالمرار اللي إحنا فيه

[اللازمة]
هي ضلّمت كده ليه؟
اللي ودّاني يجيبني
يومي راح في الزحمة يا بيه
البلد بتعذبني

[المقطع الرابع]
أنا قولت مرة أعمل فاهم
وخلعت من الزحمة مزقطط
ما وعيتش غير في صلاح سالم
فركنت على جنب أعيّط
آه يا غُلبي آه يانا يامّه
مش هروّح ولاّ إيه؟

[اللازمة]
هي ضلّمت كده ليه؟
اللي ودّاني يجيبني
يومي راح في الزحمة يا بيه
البلد بتعذبني
[المقطع الخامس]
ورجعت والشارع مقفول
وزحمة والبيت متحاوط
لمحت واد كده مش معدول
شايلينه قال عامل ناشط
يلاّ سيبك ماهي باظت
يعني هي جت عليه؟

[اللازمة]
هي ضلّمت كده ليه؟
اللي ودّاني يجيبني
يومي راح في الزحمة يا بيه
البلد بتعذبني
هي ضلّمت كده ليه؟
اللي ودّاني يجيبني
يومي راح في الزحمة يا بيه
البلد بتعذبني
هي ضلّمت كده ليه؟
اللي ودّاني يجيبني
يومي راح في الزحمة يا بيه
البلد بتعذبني