[المقطع الأول]
Les riches تاع la vie في حياتي حبيت mal à l'aise
اسكو مكتبة عليا نعيش زوالي حتّى لقبر
يا يما وليدك ارتيست، ديفو في البلاد لي تحقر
كذبو عليك قالو عريان، كيف خبارهم لي نهدر
ماعطاليش هاذ الراب واش عطيتو من وقتي
سيئة تبقى تمشي، شكون يسال فمحنتي
هاذ الليلة نضت ندمان ، نمت الغاشي في جنازتي
اسمحلي يا ربّي واغفر ، واش لفضت كلام السوء
بالمعصية كنت نجهر ، همّي الزنقة واش تقول
ناس عرفتني بموسيقى ، دارو في لساني الثيقة
ناس حسدوني في تصفيقة ، وتمناولي في الشقاء
شحال من واحد قعد معايا نهار لي طحت واحد ما وقف
نخاف هذاك لي ضحك في وجهي في ظهري من راسو يألف
حامد ربي واش عطى ، برك زمان لي يسيف
عليّا ندّور ونتكيف ، ننسى الباسي ونتجيف
لحرام في قلبي مضيف ، مكاش لي يكذب عليك
خوك خوك ما يغرك صاحب ، نهار العز يدورو بيك
نهار تضيق كامل تنسحب فوك الميليو تاع ليشنيج
على جال قارو يدير لعيب يآو الخير فيكم مالقيتش
مشيتولي ب خصال الدين واش نحكيلك عالسكرة
دوقة دوقة لحق الصباح لي البارح كانت عذراء
ليوم تونٌس في التدراح ماشي جمال بسكرة شاف الرجلة في التبراح
هنايا قاع حلبو البقرة واحد فيكم ما يصلح
كارهكم يا الشعب البارد ديتوهالهم للنسوان
ديك الحطة و ديك اللبسة تشوف العار بكل الوان
ماتبكيش على الرسول حنا قاع شدينا المزمار
شاعر مايدير واش يقول بار اكزومبل دموع اكرام
راجل خدام و مسؤول دراهم لغنا ماشي بنان
انا في حياتي درت الهول كيفاش في قبري نرقد كالم ؟
ماشي الحب الي عماني عشرة ديالي بمعاني
مانرضى لبنات الناس مانحبها لاختي تاني
مام عليا دورو و دورو تولو لكلامي
كي نموت قبري و تزورو يعشي بحال البيراميد
بالاك غالط في العنوان وشنو نهدر واش نشوف
قبل ماتسبق للعدوان صاحبي قدر الظروف
ماعنديش الثقافة كي ولات صاحبي بالميني
هنا باين لي يدي من هاد الرجلة يزيني
علاش نخسر ونطيح شكون ينفعني نهار نتخلخل
دموع يما جامي نطيح غير هيا لي تبقى تعقل
ونطالب بالحق المسلوب La révolte à la Matoub
في بلادي بردت لقلوب حبيت نفطن محسوب
[المقطع الثاني]
حنا لي شفنا و كرهنا وهما حاكمين لي بيرو
حنا لي لازم نبدلوا القسمة نعاودوا مالزيرو
ايييه شحال بطات الشمس و زهري لي دايم سواد الليل
فحياتي واش راني داير باش نعيش ضعيف عليل
راني كاره هاد لونفار تقنع غير ضحكت لعجوز
ياتخلها برضايتك يا نوضوا وحدة مالزوج
نهار يديني هاد الصوت القبة ندخولها مدلول
راهم حابين يحيوهالي بتهمة تحريض القوم
ماتحبوش لسان الحق تسلط عليكم الذل
نشاء الله غير هربة تصدق ما نركعش نموت قبل
مايهمنيش اذا فهموا راني صادق في نفسي
غدوة من رايهم ينغهموا ونعز الواقف في كتفي
عيشوا يا جيل بن شنات خرج عليكم النفاق
حنا لمساغر الي غنات من لمعيشة في لاغار
حنا الريسبي لعلي بلحاج لي تاهمينوا بكلامو
عرة راجل فيكم عاد سميتوه الشيخ نانو
شمينا فيهم اللوش التروليغ و يدورو
حنا لي يزيغي مانحبوهش فبحرنا يغرق بابورو
درت العيب و قابلت قابلوني باحترام
طلبت السماح و بادلت كيما قادروني لي مام
واحد مادرلي فالجيب خلوني نعيش حياتي
نعرف روحي واش نسوا تخصك دورة في ذاتي
ياك قولتهالك و نعاود دموع يما غاليين عزاز
طيح لي فان ينساوك ماتنفع شهرة لا بوز
لي برانسيب و الخسارة نتا رابر ولا غيشي
يالمشتاق استر عارك ماقصدنا الراب معيشة
شحال جرات مورايا الكومبا يسلكو غير دعاوي الخير
نهار قابلت بروكيرور فهمت بلادي كيفاش تسير
في بلاصتي واش راح ادير كي تولي يماك تسال
بكلمة وحدة راح دير دموعها في صدر كوميسار
ماتحكيليش على لي فان غير يما لي تحبلي الخير
دارو عليا قالوا خان ما داقوا العومة في البير
[جسر]
دزاير تخليك بين زوج يا الطكسي يا صطوب
كار الرجلة عندو اري فباب الحبس في بلادي
صحابي راحو بخمس سنين شكون لي بيهم صطاديي

[اللازمة]
شكون بيها يما انا نهار نطيح
شكون بيها يما انا نهار نطيح
نهار نطيح نهار نطيح شكون بيها يما انا نهار نطيح
نهار نطيح انا ماينفعني هاد الراب
شكون بيها يما انا نهار نطيح

[المقطع الثالث]
: يما مازالها وصايتك في راسي و انت هكدا قلتي
يابني وصيتك سوق الليل معوج
حبيتك ساجي على الخبزة تلوج
ماشي ديلور تروج ياك لمجرب يحاجي
الطريق هادي جامي تخرج
ادا هداك ربي يا بني خلي كلامي
في راسك الكبدة عليك حرقتني
يا بني تشفيني حالتك على الدولة شايد اتو
سبق خطوة في قبرك لي سبقوا قبلك ماتوا
ماكاش لي يجيب خبرك شحمة وكلاها سيامو
ادا نسيت باباك يفكرك الناجس ما يجوز صيامو
يد الذيب جامي تفكرك دموعي في شط لسانك
ماتخلي الدار حزينة شوفني وسغس ميزانك
زيتنا في دقيقنا لينا نهار لي يطيحو المصايب
لي يرفدهم ما صايب نلقاك في كتفي حايب
باباك كبير و شايب ياك عين الناس لي تحقر
وفقرنا ما ديرو عيب خليها لربي واصبر
واتسبب بالاك تصيب يابني نعرفك راجل
توضئ واحكم القبلة ماتدري غدوة الاجل
فعل الخير هو الغلة
[أوترو]
خفنا نصبحوا على قلب كحل
وحق القط مدينا
مايهموش علاش هدوا والفو الحيلة
قلبي مارباش الكبدة فليلة
حبينا الشيرا و ماكاش خليلة إيه
ولا مايصحاش الشباب ضايع
?تقولي علاش جاتنا الدنيا تقيلة
ولا يبانوا رجلة هاد الطبايع
ماتستشفا وقول يا حليل
C'est La Phobia … LA3LAAAAM !