[المقطع الأول]
الخط دا خطي والكلمة دي ليا
غطي الورق غطي بالدمع يا عينيا
شط الزتون شطي والأرض عربية
نسايمها أنفاسي وترابها من ناسي
وإن كنت أنا ناسي، ما تنسانيش هي
الخط ده خطي والكلمة دي ليا

[المقطع الثاني]
لأكتب على عيني
يحرم عليكي النوم
وأحبس ضياء عيني بدموعي طول اليوم
قبل الوفا بديني
زي الصلاة والصوم
ده الدين في عرف الحر
هم ومذلة ومر وهموم تجيب وتجر
أحزان مخبية
الخط دا خطي والكلمة دي ليا

[المقطع الثالث]
لأكتب على كفي والحبر من دمي
يا عزوتي كفي، يا همتي ضمي
أول ما هنوفي بالوعد هنسمي
بإسم إللي ماتوا صغار
في المدرسة والدار
والمصنع إللي إنهار، فوق الصنايعية
الخط ده خطي والكلمة دي ليا
[النهاية]
الخط ده خطي والكلمة دي ليا
غطي الورق غطي بالدمع يا عينيا