[المقطع الأول: أمير عيد]
في صوت جوايا بيناديني من بعيد
سامعه وعارفه كويس بس أنا عامل عبيط
نقطة بيضا في وسط سواد، إنسان بينادي جماد
هو البراءة والسذاجة وأنا الدنيا الكدابة
عايش معاه في سجن وأنا السجان
معايا مفاتيح كل البيبان لكن جبان
أنا الجاني والمجني عليه
أنا كل الأسباب ولسه بسأل ليه

[اللازمة: أمير عيد]
هو أنا وأنا هو
هو حرب دايرة جوة
جوة مني وبتقتلني
مهما جريت أو هربت
هو أنا وأنا هو
هو حرب دايرة جوة
جوة مني وبتقتلني
مهما جريت أو هربت

[المقطع الثاني: أمير عيد]
جوايا إتنين وأنا التالت والتالت دايمًا ساكت
سلم، بطل يتكلم، ولا بيحس ولا بيتألم
جوايا عقل وقلب دايمًا عايشين في حرب
قلبي حاسس بالذنب وعقلي واخد جنب
والدنيا ماشية عكسي، لفيت ومشيت معاها
وبعت أنا نفسي، نفسي خليتني أنساها
ولبست وشوش تانيين، نسيت في الأصل أنا مين
فقلت أرجع من تاني لنفسي اللي بتعاني
[اللازمة: أمير عيد]
هو أنا وأنا هو
هو حرب دايرة جوة
جوة مني وبتقتلني
مهما جريت أو هربت
هو أنا وأنا هو
هو حرب دايرة جوة
جوة مني وبتقتلني
مهما جريت أو هربت

[الخاتمة: عبد الرحمن رشدي]
عجبي عليك يا زمن فينا مش سائل
وأنا اللي أستاهل، صدقتك
ومشيت وراك لحد ما سبقتك
بصيت ورايا لقيتني وحيد
في وش المدفع مش عارف أرجع