Dahmane El Harrachi - دحمان الحرّاشي
Ma bini ou binek ghir elkhir | ما بيني وبينك غير الخير
"كلمات دحمان الحراشي "ما بيني وبينك غير الخير
اضغط هنا لقراءة المزيد من كلمات وقصائد الشعبي الجزائري
ما بيني وبينك غير الخير
يا الباغضني وعلاش تغير
ما صبت معاك كيفاش ندير
يهديك الله عف عليا
يا الباغضني حالك صعيب
لا راحة معاك ولا هنية
واش باغي عندي واش تصيب
وعلاش هكذا لاهي بيا
ما نديرك جاري ولا حبيب
غير أنساني دير مزية
الحاسد فعلو ياك يريب
يستهل من عندي كية
ما بيني وبينك غير الخير
يا الباغضني وعلاش تغير
ما صبت معاك كيفاش ندير
يهديك الله عف عليا
يا الباغضني وعلاش تزيد
في كلامك اللي يجرح فيا
قلبك تقول رجع حديد
شكون اللي بعتك ليا
نوكل غير ربي الوحيد
هو العالم بيك وبيا
مازال معاك نسمع ونزيد
مازال نشوف بعينيا
ما بيني وبينك غير الخير
يا الباغضني وعلاش تغير
ما صبت معاك كيفاش ندير
يهديك الله عف عليا
يا الباغضني باين عليك
باين ما فيك حتى نية
الحاسد منو واش يجيك
ما تربح عندو عقلية
يا سايلني أنا نوصيك
نوصيك وصاية خفية
الحاسد بالك يساميك
بالله تحكي لو السرية
ما بيني وبينك غير الخير
يا الباغضني وعلاش تغير
ما صبت معاك كيفاش ندير
يهديك الله عف عليا
يا الباغضني حوالو عينيك
كل يوم تبدل في قصية
أنا راني خايف عليك
تعيا وتطيح في يديا
القاصد اللّي جفاني يجفيك
أنت اللّي تندم عليا
يا الباغضني الله يهديك
وعلاش خارج من الشرعية
ما بيني وبينك غير الخير
يا الباغضني وعلاش تغير
ما صبت معاك كيفاش ندير
يهديك الله عف عليا
[لازمة بصوت الحراشي]
ما بيني وبينك غير الخير
يا الباغضني وعلاش تغير
ما صبت معاك كيفاش ندير
يهديك الله عف عليا
